Znüni Liedli
Es Oepfeli zum Znüüni,
es Birrli no derzue,
jetzt gib dim Müüli z`ässe
so het dis Büüchli rue!
Sunne- Liedli zum Zmittag
Gross und rund isch d`Sunne
warm isch ihres Liecht
und ig weiss nid was ig ohni Sunne miech
Chunt e dicki Wouke
wo si grad verdeckt
und scho seit sie: do bin ig
i ha mi nume versteckt
Abschlussliedli (Melodie: Schuhmächerli)
Mir Wichteli, mir Wichteli, mir tanze zringerum
mir klatsche i üsi Hängli
und lache üs haub chrum
Mir Wichteli, mir Wichteli, mir hei au churzi Bei
mir freue üs im Waud z`si
und göi jetzt wieder hei!
Bobbe, bobbe, Hämmerli
d`Stäge uf is Chämmerli
d`Stäge uf is Tuubehuus
flüge aui Tuube us!
wo si d`Zuube?
do si si
Aui mini Finger
Verwandle sich i Tierli:
Der Dume do, so dick und rund,
dä isch e grosse Schäferhund.
Der Zeigfinger, dä wird es Ross
Und rittet mit em Prinz ufs Schloss.
Der Mittufinger, die gschäggeti Chue,
macht immer muh und git kei Rueh.
Der Ringfinger isch e Geissbock,
dä wädelt mit em Zottelrock.
Und das chline Fingerli
Wett es wulligs Schöfli si.
„Füüf Söili chöme cho z`laufe,
der Buur wottsi ga verchoufe
s`Schnüffunääsli, s`Waggelöhrli
s`Chuguränzli, s`Ringuschwänzli
u s`Chliinschte, s`Wädlibei
seit: chum, jetzt gö mir wieder hei
I ha Haferflocke ufem lingge Socke
Hanäs Spieguei ufem rächte Bei
Ha Chaugummi ohni Gschmack im Hosesack
Ha nä Gugguhopf uf em Chopf
Dört obe ufem Bärgli,
eis, zwöi, drü,
dört tanze chlini Zwärgli,
eis, zwöi, drü.
Dört unde uf der Matte,
eis, zwöi, drü,
hockt e grosse Ris im Schatte,
eis, zwöi, drü.
I üsem Hüsli
hetts schrecklich fou Müsli.
Si chribele und chräbele,
si zibele und zäbele,
si gö ufe Tisch,
uf d Stüehu,
uf d Bänk,
i d Schränk,
und wenn mer se wot packe,
so springe si dervo!
Kling, kling kling, Poscht isch da,
kling, kling, kling vo Afrika,
kling, kling, kling und no en Schritt
kling, kling, kling und Du darfsch mit.
Ringu, ringu, Reihe
d'Meitschi gö i d'Mäie
d'Buebe gö i d'Haselnüss
und alle machid: husch, husch, husch!
Siege-sage, Holz versage
Chliini Stückli, grossi Stückli
Siege-sage, siege sage, siege-sage sugg!
Das isch s'Zwärgli Zipfelwitz
mitem runde Nasespitz
mitem Bärtli wyss wie Schnee
das cha: "tanze...chlatsche...sich drähie...Zunge ausestrecke...
uf Zäihe stah...grüpele.... etc.
Yuheeeeee!
Mir tüe s'Füdli (*) i Kreis
u nähmes wieder drus,
drii, drus, drii, drus u schüttles no chli uus.
Das isch dr Mooswichteli-Boogy,
schubi-du-a
iine, uuse, cha-cha-cha!
*d'Bei, d'Nase, d'Zunge, d'Chnöi, d'Fingerspitze, etc.
Das isch dr Schlange ihre Tanz,
sie chunt vom Bärgli aabe
sie het verlore ihre Schwanz
und möchtne wieder ha!
O säg Du mir, bisch Du nid ou,
es chliises Stückli vo mim Schwanz, hey!
Das isch dr Schlange...
Schluss: .... jetz ischer wieder ganz!
Samichlous: Was tripp-tripp-trippelet
und trapp-trapp-trappelet?
Chönt ächt das dr Esel sii?
I-Ah, i-Ah, Ja, ja, I-Ah, I-Ah, Ja, ja!
Was ding-ding-dingelet
und dong-dong-dongelet?
Chönt ächt das dr Samichlous sii?
I-Ah, i-Ah, Ja, ja, I-Ah, I-Ah, Ja, ja!
Was rasch-rasch-raschelet
und rusch-rusch-ruschelt?
Het är ächt dr Sack derbii?
I-Ah, i-Ah, Ja, ja, I-Ah, I-Ah, Ja, ja!
